Rummenigge: Ofertat e Interit për Vidalin janë të kota

Bayern Munich ka paralajmëruar se çdo ofertë nga Interi për Arturo Vidal do të jetë e kotë pasi mesfushori kilian do të qëndrojë ‘100 për qind’.

Raportet gjatë javës së kaluar e kanë lidhur Interin me një goditje 50 milionë eurosh për Vidalin, por drejtori i Bavarezëve, Karl-Heinz Rummenigge – një ish-lojtar i Nerazzurrëve – përjashtoi kategorikisht shitjen e ish-yllit të Juventusit.

“Unë mund të përjashtoj largimin e Arturo me 100 për qind. Ai është një lojtar i rëndësishëm për ne”, ka thënë fillimisht Rumenigge për Tuttomercatoweb.

“Nuk kam dëgjuar nga askush në Inter deri tani, unë kam lexuar vetëm atë që është shkruar në media”.

“Pavarësisht kësaj, çdo ofertë nga Nerazzurrët do të ishte e kotë”.

“Vendimi për të mbajtur Vidalin në skuadër është bërë shumë kohë më parë”, përfundoi drejtori i Bayernit.

You might also like More from author