PDK: Kçiqi dhe Vinarci masovikisht me “Fillimin e Ri”

Kryetari i Degës së PDK-së në Mitrovicë, Avni Kastrati gjatë një takimi me banorët e Kçiqit të Madh dhe Vinarcit tha se mbështetja për ‘Fillimin e ri’ është mbështetje për të ardhmen.

Kastrati, ka prezantuar edhe kandidatët për deputetë që janë nominuar nga Dega e PDK-së në Mitrovicë.

“Besimi juaj na obligon që të jemi pranë jush, ashtu siç kemi qenë gjithnjë. Mbështetja juaj për “Fillimin e Ri”, është mbështetjet për të ardhmen tonë më të mirë”, tha ai.

Ai tha se ata janë njerëz humanë, familjarë e profesionistë të mirë. “Ju i njihni, janë njerëzit tuaj. Janë ata që do të na përfaqësojnë neve të gjithëve dhe para se gjithash do të jenë zëri juaj në Kuvendin e Kosovës”, theksoi Kastrati.

Ndryshe sot (5 qershor 2017) prej orës 15:00, kreu i PDK-së, Kadri Veseli, do të mbaj në Mitrovicë tubimin përmbyllës për zgjedhjet e 11 qershorit me qytetarë, në hapësirën ndërmjet sheshit “Isa Boletini” dhe sheshit “Mehë Uka” në Mitrovicë.

You might also like More from author